منڈی بہاؤالدین(ڈاکٹر شاہد راٹھور)منڈی بہاوالدین کے رہائشی نوجوانوں کیلئے خوشخبری، پاک آرمی میں بھرتی ہونے کا سنہری موقع، آپ کو مطلع کیا جاتا ہے کہ نرسنگ اسسٹنٹ (ایف ایس سی پری میڈیکل)،کلرک (انٹرمیڈیٹ)،ای ایم ای /سگنل/ ایوی ایشن ٹیکنشن (میٹرک سائنس مضامین کے ساتھ)، ڈرائیور (ایل ٹی وی لائسنس ہولڈرز)، سپاہی (میٹرک پاس)، کک اور سینٹری ورکر کی بھرتی کیلئے مطلوبہ اہلیت کے حامل ضلع منڈی بہاوالدین کے شہریوں سے درخواستیں مطلوب ہیں۔جس کیلئے عمر ساڑھے 17سال سے 23سال تک اور قد 5فٹ 6انچ ہونا چاہیئے۔ بھرتی کیلئے اصل اسناد بمعہ تصدیق شدہ 2عدد کمپیوٹرائزڈ شناختی کارڈ فوٹو کاپیاں یا 2عددفارم ب کی فوٹو کاپیاں،2عدد ڈومیسائل فوٹو کاپیاں، اپنا اصل کمپیوٹرائزڈقومی شناختی کارڈ اور 2عدد فوٹو کاپیاں،2عدد والد کے کمپیوٹرائزڈ قومی شناختی کارڈ کی تصدیق شدہ فوٹو کاپیاں 6 عدد تصدیق شدہ پاسپورٹ سائز فوٹو گراف اور تمام کاغذات و اسناد اور دستاویزات کی مجاز سرکاری آفیسر سے تصدیق ہونی چاہیئے۔ امیدوار مورخہ 30اپریل 2024کو صبح 7بجے پیر یعقوب شاہ سٹیڈیم پھالیہ یا مورخہ یکم مئی 2024کو گورنمنٹ ہائی سکول بھیرووال پھالیہ میں تشریف لائیں نیز فزیکل ٹیسٹ کیلئے سپورٹس شوز پہن کر آئیں۔وٹس ایپ رابطے کیلئے03159349137 / 0300-7551727 نمبر پر کال کریں۔
