کھاریاں ممتاز ماہر تعلیم چوہدری فضائل اختر ڈپٹی ڈی ای او کھاریاں کا ریڈ فاؤنڈیشن ہائی سکول کھاریاں کا دورہ۔ پرنسپل ذکاء اللہ صدیق اور چوہدری محمد اختر نے استقبال کیا ۔ اس موقع پر انہوں نے سکول رجسٹریشن ، گوجرانولہ بورڈ سے الحاق ، سکول سسٹم ، تعلیمی نظام اور بچوں کو دی جانے والی سہولتوں کے بارے میں معلومات حاصل کیں۔ پرنسپل ڈاکٹر ذکاء اللہ صدیق و چوہدری محمد اختر نے ریڈ فاؤنڈیشن کا تعارف ، تعلیمی نظام اور درس و تدریس اساتذہ اور بچوں کی ٹریننگ اور تربیت پر گفتگو کی ۔سکول کا دورہ کروایا۔ چوہدری فضائل اختر نے سکول کے نظام ،سہولیات اور درس و تدریس پر اطمینان کا اظہار کیا ۔ انہوں نے مزید کہا کہ پرائیویٹ سیکٹر میں ریڈ فاؤنڈیشن بہت اچھا کام کر رہی ہے ۔ ریڈ فاؤنڈیشن کی یتیم بچوں کی تعلیمی خدمات پر خوشی کا اظہار کیا ۔
